ولد الجعيدي
14/06/2009, 01:51 PM
السلام عليكم ورحمة الله وبركاته
مساكم | صبحكم الله بالخير جميعا
موضوعي اليوم يختلف بعض الشي وهو يحكي عن واقع
ليس منقولا عن شخص اخر .. بل عايشته بنفسي ..
خلوني اقولكم السالفه ..
اتصل واحد من العيال طالب فزعه .. عشان نودي والدته الله يشفيها للمستشفى عشان عندها جلطه
نسال الله ان يمن عليها بالشفاء العاجل ..
لبيت له طلبه ورحت .. انا توقعت مستشفى الملك خالد بالخرج . قال لا نبي مستشفى في الرياض معروف
قلت له ابشر ,, مشينا انا وهو ووالدته ,,
وصلنا المستشفى وانا اسمع في هالمستشفى من اول ماقدر زرته , المهم وصلنا ورحت جبت له عربيه
ونزلنا والدته , قلت له خلاص خليك عند الوالده وانا اروح اشوف الاجراءت واجيك . قال اوك خلاص .
دخلت للاستقبال , توقعته مثل الخرج يعني في الرسبشن شباب طعوس واخلاقهم مش ولابد .. يعني يكلمك الواحد من طرف خشمه .
وكانك طالب شي من حلال ابوه .. بل طلع العكس لقيت بنات ومبين ان الي يوظفهم ذويق ماشاء الله عليه ..
يعني عرف يختار لكي يجذب الزبائن على طول ..
سلمت عليها
وقلت لها : لو سمحتي اختي ؟
وهي تتميلح على التلفون .. قلت لها اختي ثواني بالله ..
قال سم .. امر ..؟
قلت لها : شرحت لها حالة المريضه وان عندها جلطه ووو الخ
قالت : هي امك ؟؟
قلت : ماعتقد يفيدك بشي لو عرفتي هي امي او خالتي <( الصراحه انا شانت اخلاقي من شفت شكلها )
خلوني اقولكم عن شكلها شوي ( العيون ماشاء الله حاطه كحل اسبوع .. وداقه اللطمه .. يعني نص وجهها باين
ونظراتها طويله .. ولما سلمتني الورقه طلعت مسويه مناكير والحناء مغطي كفوفها ..
واعتقد انها توها متزوجه من اسبوع )
قالت : سلامتك اخوي روق .. وماراح يسير الا كل خير ..
قلت : طيب ,
المهم قعدت تتفلسف وتتميلح وفي الاخير قالت روح للرسبشن الثاني الدكتور الي انت تبيه موجود عندهم
قلت لها : طيب بدال هالبربره علميني من اول وخلصيني ,,,
المهم مشيت من عندها وهي تقول (( الحمد لله والشكر ))
رحت للثانيه وطلعت اخس واخس وحولتني للثالثه
لما تشوف اشكالهم تقول كنك داخل قصر افراح قسم العوائل بالغلط ..
الثالثه سوت فيها انها هي الكل في الكل وقالت عندي فتح الملفات
قلت اوك افتحي ملف . قالت شوف لك رقم يكون معروف عندك
عشان لو رجعت مره ثانيه تعطيني الرقم ومايحتاج تفتح ملف مره اخرى ,,
طلعت الجوال ابي اعطيها رقم خويي
قالت ترى عادي لو تبي تعطينا رقم جوالك انت الشخصي
قلت لها : اسف اوخيتي هذا مب جوالي جوال الشغاله
انقلب وجهها وصار سبعين لون .. قالت ترى ماقصد ..!!
قلت لها ايه ادري .
المهم فتحت الملف ..
ورحت لخويي .. قلت له ياخوك انت جايبنا مستشفى ولا لمحل كوفيره ..
قال وش السالفه .. قلت له بعدين اعلمك ..
دخل وشاف وتاكد من كل شي ..
المهم شافها الدكتور الي هو اخصائي المخ والاعصاب
وطمنا عليها واعطانا علاج .. وطلعنا من قصر الافراح اقصد من المستشفى ..
المهم مسكت طريق الخرج وانا افكر في البنات الي شفتهم وفي اهلهم لو جاء ابوها وهي بالمنظر هذا
او احد اخوانها ... طبعا ونناقش الموضوع انا وخويي .. وللاسف ماوصلنا لنتيجه ..
وحبيت اناقشه معاكم..
بالعربي افيدووووني :
= هل البنات الي موظفهم صاحب هالمستشفى هم وسيلة اغراء وجذب الزبائن ؟؟؟
= الزينه واللبس ووو الخ الي مسويينه البنات هو الزامي عليهم يعني شرط من شروط الوظيفه ؟؟؟
= الاباء والاخوان .. هل هي الحاجه الماسه للمال الذي جعلتهم يوافقون على مثل هذه الوظائف لبناتهم ؟؟
الف سؤال وسؤال لم نجد له اجابه ..
دعونا نناقش الموضوع بكل شفافيه وبكل صراحه
مع مراعاة احكام ديننا الاسلامي الحنيف..
اسف لو طولت عليكم
ودمتم في رعاية الباري
اخوكم ومحبكم :
ولد الجعيدي
مساكم | صبحكم الله بالخير جميعا
موضوعي اليوم يختلف بعض الشي وهو يحكي عن واقع
ليس منقولا عن شخص اخر .. بل عايشته بنفسي ..
خلوني اقولكم السالفه ..
اتصل واحد من العيال طالب فزعه .. عشان نودي والدته الله يشفيها للمستشفى عشان عندها جلطه
نسال الله ان يمن عليها بالشفاء العاجل ..
لبيت له طلبه ورحت .. انا توقعت مستشفى الملك خالد بالخرج . قال لا نبي مستشفى في الرياض معروف
قلت له ابشر ,, مشينا انا وهو ووالدته ,,
وصلنا المستشفى وانا اسمع في هالمستشفى من اول ماقدر زرته , المهم وصلنا ورحت جبت له عربيه
ونزلنا والدته , قلت له خلاص خليك عند الوالده وانا اروح اشوف الاجراءت واجيك . قال اوك خلاص .
دخلت للاستقبال , توقعته مثل الخرج يعني في الرسبشن شباب طعوس واخلاقهم مش ولابد .. يعني يكلمك الواحد من طرف خشمه .
وكانك طالب شي من حلال ابوه .. بل طلع العكس لقيت بنات ومبين ان الي يوظفهم ذويق ماشاء الله عليه ..
يعني عرف يختار لكي يجذب الزبائن على طول ..
سلمت عليها
وقلت لها : لو سمحتي اختي ؟
وهي تتميلح على التلفون .. قلت لها اختي ثواني بالله ..
قال سم .. امر ..؟
قلت لها : شرحت لها حالة المريضه وان عندها جلطه ووو الخ
قالت : هي امك ؟؟
قلت : ماعتقد يفيدك بشي لو عرفتي هي امي او خالتي <( الصراحه انا شانت اخلاقي من شفت شكلها )
خلوني اقولكم عن شكلها شوي ( العيون ماشاء الله حاطه كحل اسبوع .. وداقه اللطمه .. يعني نص وجهها باين
ونظراتها طويله .. ولما سلمتني الورقه طلعت مسويه مناكير والحناء مغطي كفوفها ..
واعتقد انها توها متزوجه من اسبوع )
قالت : سلامتك اخوي روق .. وماراح يسير الا كل خير ..
قلت : طيب ,
المهم قعدت تتفلسف وتتميلح وفي الاخير قالت روح للرسبشن الثاني الدكتور الي انت تبيه موجود عندهم
قلت لها : طيب بدال هالبربره علميني من اول وخلصيني ,,,
المهم مشيت من عندها وهي تقول (( الحمد لله والشكر ))
رحت للثانيه وطلعت اخس واخس وحولتني للثالثه
لما تشوف اشكالهم تقول كنك داخل قصر افراح قسم العوائل بالغلط ..
الثالثه سوت فيها انها هي الكل في الكل وقالت عندي فتح الملفات
قلت اوك افتحي ملف . قالت شوف لك رقم يكون معروف عندك
عشان لو رجعت مره ثانيه تعطيني الرقم ومايحتاج تفتح ملف مره اخرى ,,
طلعت الجوال ابي اعطيها رقم خويي
قالت ترى عادي لو تبي تعطينا رقم جوالك انت الشخصي
قلت لها : اسف اوخيتي هذا مب جوالي جوال الشغاله
انقلب وجهها وصار سبعين لون .. قالت ترى ماقصد ..!!
قلت لها ايه ادري .
المهم فتحت الملف ..
ورحت لخويي .. قلت له ياخوك انت جايبنا مستشفى ولا لمحل كوفيره ..
قال وش السالفه .. قلت له بعدين اعلمك ..
دخل وشاف وتاكد من كل شي ..
المهم شافها الدكتور الي هو اخصائي المخ والاعصاب
وطمنا عليها واعطانا علاج .. وطلعنا من قصر الافراح اقصد من المستشفى ..
المهم مسكت طريق الخرج وانا افكر في البنات الي شفتهم وفي اهلهم لو جاء ابوها وهي بالمنظر هذا
او احد اخوانها ... طبعا ونناقش الموضوع انا وخويي .. وللاسف ماوصلنا لنتيجه ..
وحبيت اناقشه معاكم..
بالعربي افيدووووني :
= هل البنات الي موظفهم صاحب هالمستشفى هم وسيلة اغراء وجذب الزبائن ؟؟؟
= الزينه واللبس ووو الخ الي مسويينه البنات هو الزامي عليهم يعني شرط من شروط الوظيفه ؟؟؟
= الاباء والاخوان .. هل هي الحاجه الماسه للمال الذي جعلتهم يوافقون على مثل هذه الوظائف لبناتهم ؟؟
الف سؤال وسؤال لم نجد له اجابه ..
دعونا نناقش الموضوع بكل شفافيه وبكل صراحه
مع مراعاة احكام ديننا الاسلامي الحنيف..
اسف لو طولت عليكم
ودمتم في رعاية الباري
اخوكم ومحبكم :
ولد الجعيدي