من اجمل رحلاتي لحضرموت ( دوعن ) بلد العجائب .. صور ..!!

[ولد الجعيدي]

هلا فيكم جميعا


خلوني اخذكم معي في رحلة الى اعماق وادي دوعن
قرية ( رباط باعشن ) بالتحديد

تحملوا بربرتي شوي < قرقر كثير

السالفه ومافيها ..

اخذت جواز سفري وودعت اهلي وركبت سيارتي ومسكت خط اليمن
لانه سفري كان ضرف طارئ ومفاجئ ( واحد من العيال مسوي حادث وممسوك
في المكلا ) وكانت سفره موحشه جدا .. كنت بروحي < خوااااااااااف
طبعا عن طريق منفذ شروره واذكر كان الوقت متاخر حوالي الساعه 9 في الليل حركت من الخرج ..

http://up.damasgate.com/files/wwicfwoqhinrzuymua6q.jpg


المهم على طول للمكلا .. الحمد لله خلصنا امر الرجال ووديته للمطار وفارق ..
وجلست يوم في المكلا ومشيت لوادي عمد عشان اسلم على ربعي قبل لاسافر

هذه الصور على طريق خلف حولت وقعدت اصور تسني سايح


http://up.damasgate.com/files/pix88ezi2peb795brnae.jpg

http://up.damasgate.com/files/ovgrgkzsw8mzf55ntl53.jpg

http://up.damasgate.com/files/f73n96hzl588xx8speb3.jpg


اما هذه الصوره في اليوم الثاني وانا رايح من المكلا الى وادي عمد اعجبني منظر
الماء وقلت حول ياولد خذ لك كم صوره

http://up.damasgate.com/files/5dmqebwy3hbtwlw60wmz.jpg

وركبت سيارتي ومشيت .. قبل مفرق دوعن في راس حويره تقريبا بعشرة كيلو
لقيت سياره ( ميكرو باص ) واقف وكان واحد واقف منهم على الخط ..
هديت السرعه وقلت اشوف وش يبي ..
وقفت وسلمت عليه وسالته سلامات اخوي وش في السياره ..
قال الحراره قبت ومادري وش السبب نزلت اشوف ..
واتوقع ان المكينه خربت عليهم مساكين .. المهم واحنا واقفين عند السياره
اسمع صوت بكاء في السياره .. قلت له اقدر اساعدك بشي
قال لا مانبغاء نتعبك .. والساعه تقريبا 11 ونص الظهر ... قلت له عادي ياخوي
على الاقل نقربكم شوي الحين شمس على العائله وخلني اشوف لك مطعم
او استراحه قدام واقعدوا فيها لين مايفرجها الله ..
شوي الا وتجي حرمه كبيره في السن .. وتبكي المسكينه
قلت الله يخليك ياولدي شلنا لين المفرق قدام ..
قلت ابشري ياخاله . المهم طلعنا اغراضهم من الباص واتضح لي انهم مستاجرينه
يعني مايعرفون صاحب الباص ..
وركبوا معي كانوا عددهم اربعه ( ولد وامه واخواته ثنتين ) المهم الام مستمره تبكي
والبنات كبار هم وعشان كذا كانوا مستحيين مني ويبكون بصوت خفيف ..
انا استغربت الوضع .. شي وقلت لها خلاص ياخاله لاتبكين بوديك لين بيتك ..
قالت لا الله يجزاك خير .. بيتنا بعيد شوي .. قلت اجل ليش تبكين ماصار الا خير ..
قال الولد خالي متوفي اليوم الصباح قلت وهذه من هي قال امي ..
( لاحول ولاقوة الا بالله ) قلت له احسن الله عزاكم وجلست اهديها وهي المسكينه
قلبها متقطع على اخوها .. تقول صار لي كم شهر وماشفته ومن هالسواليف ..
قلت لها وحدي الله كلنا راح نموت وانتي انسانه مؤمنه وادعي له بالرحمه ..
والحمد لله انها هدت شوي .. وصلنا مفرق دوعن .. طبعا علمتهم اني من وادي عمد
ورايح للوادي .. لما وصلنا المفرق قالت خلاص ياولدي نزلنا هنا ..
الصراحه موقف صعب .. شمس وولد صغير وبنتين وكانوا فيه كم من اخواننا الزيود في المفرق..
والي اهم من هذا كله حالة الوفاة .. المهم قلت لها بوصلكم .. رفضت وحاولتها لين اقنعتها
واتفقنا على ان تعطيني اجره .. قلت لها طيب ..

مشينا وماشاء على طريق دووعن ضيقه والعالم مكيمه تمشي مليون ...
نزلت عقبة خيله اعتقد انها عقبة بقشان ( كانت صعبه اول مافتحوها )
بس القهر اني ماخذها من جوالي الثاني يعني مو واضحه مثل بقية الصور

http://up.damasgate.com/files/bpvqisdfbpgvap527a1u.jpg


ووادي دوعن ماشاء الله طويل وياكثر المطبات فيه .. والمشكله انهم يبغون يحضرون
مراسيم الدفن ..
المهم يالله وصلنا رباط باعشن بس للاسف وصلنا بعد الدفن .. المهم حاولت امشي
ماوافقوا .. قالوا تقهو وبعدين يصير خير .. حاولت .. رفضوا .. وطلعونا بيت فووق مشوار ..
ولطشت لكم صوره سريعه الصراحه اعجبني المنظر ( اخذت الصوره وانا رايح من عندهم )

http://up.damasgate.com/files/xlik0ge1192ca1txs72e.jpg


المهم طلعنا البيت وعزيتهم في ميتهم واهروني ماشاء الله عليهم اساله
من وين وو الخ
والي لفت نظري فيه عاده عندهم .. وهي لب الموضوع

دخل واحد من الشباب ومعه وعاء من جريد النخل مدري وش يسمونه
المهم مليان انا على بالي رطب . وحطه عند الباب وانا اقول في نفسي من وين
جايبين الرطب مو وقته ولا شفت شي في النخيل على طريقي ..
تكلم وقطع تفكيري واحد اعتقد انه شافني وانا اطالعها وقال وش فيك ياتركي مستغرب ..؟؟
قلت الصراحه ايه ..
قام وجاب الوعاء ..
تصدقون وش في الوعاء
الصور راح تعلمكم وش فيه

http://up.damasgate.com/files/3wyx2jkz9k8vh8ffzrm6.jpg

http://up.damasgate.com/files/96rysqgmdfbjhy3j3f5h.jpg

http://up.damasgate.com/files/0i0gsls5mkbcajdp5u0o.jpg

http://up.damasgate.com/files/dt8dqx3qyj75piqeokxy.jpg

هذه الله مير يسلمكم سبحه ( ترى كل هذه سبحه وحده ) عندهم عاده
اذا مات احد عندهم يقعدون يسبحون فيها اهل المجلس كلهم يعني ماشاء الله طويله جدا
ولاتخافون انا حاسبها يعني مطقطقها حبه حبه انا والولد الي جايبه معي ..
قلت له تعال الله لايهينك احسب معي ..
طلع عدد الحبات الي فيها والله ماتذكر كم بالضبط المهم فوق الـ ( 1600 ) حبه ..

سبحان عادات متوارثه ..

المهم جلست شوي واستاذنتهم واعتذرت منهم .. حاولوا فيني
قلت لهم انا بكره مسافر للمملكه ومستعجل .. ونزلت مع الولد ..
قال لحظه امي تبيك .. انتظرت شوي ونزلت ..
طلعت مادري كم قرش مع هالمسكينه وقالت خذ اجرتك ياولدي ..
قلت يمه مايصير انا الحمد لله في خير وجاي من السعوديه
وانتي لو محتاجه شي انا مستعد .. جلست تبكي وتدعي لي .
ماشاء الله عليها .. كانت في قمة الاخلاق الله يطول بعمرها ويستر عليها

وودعتها وحسيت بغصه وكاني مفارق ناس عايشتهم سنيين ..

وهذه هي رفيقة دربي اقصد سيارتي وكمان هذه الصوره ماخذها من الجوال الثاني

http://up.damasgate.com/files/16wmaas15t0dd9v3ldg6.jpg

ومشيت من عندهم .. ولكن صعب انسى هذه الرحله المتعبه والممتعه في نفس الوقت ..
وياليت ياشباب اذا احد عنده خلفيه عن هذه العاده يحدثنا عنها ..

والى اللقاء في رحله اخرى من رحلاتي محلية او دولية ..

واسف لو طولت عليكم
السموحه اخواني

ودمتي سالمين ..

[هندو]

نشمي ياولد الجعيدي

وقسم تأثرت من قصتك شوي وتدمع عيني

بس ماشاءالله عليك تحركت لحالك لو مكانك بوقف بنص الطريق وبتيبس من الخوف خخخخخخخخ

قاعده أتخيل إني مكانك

الصور لو قلت تهبل والله قليله وخاصه إن لكل وحده فيهم موقف حسستني إني مرافقتك بالرحله

ههههههههههه

بقوووووووووه تسلم لاعدمنا مواضيعك

[حضرمية دلع]

كفووووووووووووووو والله

بس من جد حمستني اروح لحضرموت

<<ودها تروح

تقبل مروري

[ولد الجعيدي]

نشمي ياولد الجعيدي

وقسم تأثرت من قصتك شوي وتدمع عيني

بس ماشاءالله عليك تحركت لحالك لو مكانك بوقف بنص الطريق وبتيبس من الخوف خخخخخخخخ

قاعده أتخيل إني مكانك

الصور لو قلت تهبل والله قليله وخاصه إن لكل وحده فيهم موقف حسستني إني مرافقتك بالرحله

ههههههههههه

بقوووووووووه تسلم لاعدمنا مواضيعك

هندو

اشكرك اختي على مرورك الكريم
وعلى كلامك الجميل
والله احرجتيني بكلامك وباسلوبك الراقي
لاتحرميني روعة مرورك
ولكي من كل التقدير

كوني بخير

[ولد الجعيدي]

كفووووووووووووووو والله

بس من جد حمستني اروح لحضرموت

<<ودها تروح

تقبل مروري

يابنت حضرموت والله جنه
العالم تروح تصيف بالخارج
واخوك مقطع خط حضرموت
فديتها وفديت ترابهاااا


والله يبلغك اختي وتزورين حضرموت
مرارا وتكرارا

يعطيك الف عافيه واشكرك على مرورك

ودمتي بخير

[وعل الوادي]

هذه شيم الحضارم
وربنا يحفظ الوالد انه رباكم عليها
ولك كل الجزا من ارحم الراحمين
صراحه رحله موفقه وحلوه ومناظر
تهيض القلب والعقل
ان شاء الله تروح رحلات ورحلات
وترجع الى اهل سالم غانم
حفظك ربي
سلااااااام

[ولد الجعيدي]

هذه شيم الحضارم
وربنا يحفظ الوالد انه رباكم عليها
ولك كل الجزا من ارحم الراحمين
صراحه رحله موفقه وحلوه ومناظر
تهيض القلب والعقل
ان شاء الله تروح رحلات ورحلات
وترجع الى اهل سالم غانم
حفظك ربي
سلااااااام

يخليك ربي عمي وعل
ماقصرت يالغالي
وجهك ابيض
مرور رااائع جدا
لاعدمناه ولا عدمنا رووعة هالحضور الطيب

بارك الله فيك عمي
ودمت بالف خير

------------------

ملحوظه ياشباب :

مبين انكم فاهميني غلط
انا مانزلت الموضوع عشان تشكروني على موقفي
طبعا هذا الموقف اي انسانه راح يسويه ..
الي ابيه منكم اي واحد عنده خلفيه عن هالعاده
او عادات مقاربه لها .. يعلمنا فيها ... وبس
ولا من ناحية مساعد الغير صدقوني الخير باقي موجود
وان شاء الله اكثر من الشر وخاصه في حضرموت
والله انهم ناس اصحاب كرم واخلاق ونخوه ويبيضون الوجه

اتمنى انكم فهمتوني
ودمتم بخير

[نسمة الوادي]

الله وش هالابداااع بصرااحة تصوير يجنن وعيشتنا في رحلتك بكل ما تحمل الكلمة

بس لي مداخلة صغنطوطة بعد اذنك طبعا

هذه الله مير يسلمكم سبحه ( ترى كل هذه سبحه وحده ) عندهم عاده
اذا مات احد عندهم يقعدون يسبحون فيها اهل المجلس كلهم يعني ماشاء الله طويله جدا
ولاتخافون انا حاسبها يعني مطقطقها حبه حبه انا والولد الي جايبه معي ..
قلت له تعال الله لايهينك احسب معي ..
طلع عدد الحبات الي فيها والله ماتذكر كم بالضبط المهم فوق الـ ( 1600 ) حبه ..

سبحان عادات متوارثه ..

هذي من العادات الخاطئة التي انتشرت وهي التسبيح لروح الميت فكل من يسبح بنية الشخص وهذه العادة فيها خطئين
الاول : عمل ابن ادم ينتهي بوفاته الا من ثلاثة ولد صالح وعمل ينتفع به وصدقة جاارية وعملهم ليس احدها
الثاني : لم يرد عن الصحابة ولا السلف التسبيح بالمسبحة ولقد ورد في عصر الصحاابة انهم كان مجموعة من النااس يجمعون الحصى ويسبحون بها فنادى ابو موسى الاشعري عبدالله بن مسعود لينكر عليهم فقال ابن مسعود لهم من عد لي عدد سياته ضمنت له الجنة .... ومعنى كلامه انه المهم ان تعرف سياتك فتتداركها بالاستغفار اما الحسنات فالحسنة بعشر امثالها والله يزيد لمن يشاء فلا يهم عددها الاهم المكاثرة فقط

وشكرا واعتذر عن الاطالة ولكن احببت الافادة بنتظار رحلاتك القادمة بفاارغ الصبر

[مسافر]

كفيييت ووفييت ياولد عمي والله يكثر من امثالك ياذيبان

[ولد الجعيدي]

الله وش هالابداااع بصرااحة تصوير يجنن وعيشتنا في رحلتك بكل ما تحمل الكلمة

بس لي مداخلة صغنطوطة بعد اذنك طبعا

هذه الله مير يسلمكم سبحه ( ترى كل هذه سبحه وحده ) عندهم عاده
اذا مات احد عندهم يقعدون يسبحون فيها اهل المجلس كلهم يعني ماشاء الله طويله جدا
ولاتخافون انا حاسبها يعني مطقطقها حبه حبه انا والولد الي جايبه معي ..
قلت له تعال الله لايهينك احسب معي ..
طلع عدد الحبات الي فيها والله ماتذكر كم بالضبط المهم فوق الـ ( 1600 ) حبه ..

سبحان عادات متوارثه ..

هذي من العادات الخاطئة التي انتشرت وهي التسبيح لروح الميت فكل من يسبح بنية الشخص وهذه العادة فيها خطئين
الاول : عمل ابن ادم ينتهي بوفاته الا من ثلاثة ولد صالح وعمل ينتفع به وصدقة جاارية وعملهم ليس احدها
الثاني : لم يرد عن الصحابة ولا السلف التسبيح بالمسبحة ولقد ورد في عصر الصحاابة انهم كان مجموعة من النااس يجمعون الحصى ويسبحون بها فنادى ابو موسى الاشعري عبدالله بن مسعود لينكر عليهم فقال ابن مسعود لهم من عد لي عدد سياته ضمنت له الجنة .... ومعنى كلامه انه المهم ان تعرف سياتك فتتداركها بالاستغفار اما الحسنات فالحسنة بعشر امثالها والله يزيد لمن يشاء فلا يهم عددها الاهم المكاثرة فقط

وشكرا واعتذر عن الاطالة ولكن احببت الافادة بنتظار رحلاتك القادمة بفاارغ الصبر

نسمة الوادي

تميز وابداع ماشاء الله عليك
رد جميل ووافي
وفعلا هذه العاده هي واحد من العادات والبدع التي انتشرت
في اوساط حضرموت ..
وماعتقد ان هالعاده متواجده في وادي عمد
ماشفتها الا في دوعن اثناء زيارتي

وان شاء الله يمر بالموضوع احد من ابناء دوعن
ويوضح لنا الامر بحكم معرفته بعادات بلاده افضل مننا جميعا

ااشكرك اختي على مرورك

ودمتي بصحة وسلامه

[ولد الجعيدي]

كفيييت ووفييت ياولد عمي والله يكثر من امثالك ياذيبان

مسافر

ياخوك ماتلاحظ هاليومين صاير لنا مثل القمر
ما شاء الله عليك
تجينا اوقات معينه وتغيب فتره

الله يسعدك ويوفقك
واشكرك على مرورك
ودمت بخير

[ملاذ الرووح]

الله يعطيك العاافية
رحلة موفقة ماشااء الله عليك
والعاادة مااعررف عنها
لاني مو من دووعن
وماقد مرت عليا موقف زي دا
في انتظاار رحلاتك الجااية
لك ودي واحتراامي

[ولد الجعيدي]

الله يعطيك العاافية
رحلة موفقة ماشااء الله عليك
والعاادة مااعررف عنها
لاني مو من دووعن
وماقد مرت عليا موقف زي دا
في انتظاار رحلاتك الجااية
لك ودي واحتراامي

ملاذ الروح

اشكرك على مرور العطر
الذي اعطى موضوعي
رونقا اخر

لاتحرميني روعة مرورك

ودمتي بالف خير

[ملكة بقلبها]

افا الصور مهي طالعه

حسافة كان نفسي اشوف الصور

[ولد الجعيدي]

افا الصور مهي طالعه

حسافة كان نفسي اشوف الصور

ههههههههههههههههههه

مادري ليش عندك مو طالعه

عموما خيرها في غيرهااا

اشكرك على المرور اختي

ودمتي

[حضرمي عسل]

نشمي والله ولد عمي هذا هي اخلاق الحضارم

[حضرميه ماشي كماي]

انا وحده قلبها حجر <<بس صدق اني تأثرت
اذا انا محلك وانا راايحه بجلس ابكي ويمكن اهون اسافر واعيش عندهم <<قلبي صار لين

[ولد الجعيدي]

نشمي والله ولد عمي هذا هي اخلاق الحضارم

شرواك يالذيب

اشكرك على مرورك الجميل

لاعدمناك
دمت بخير

[ولد الجعيدي]

انا وحده قلبها حجر <<بس صدق اني تأثرت
اذا انا محلك وانا راايحه بجلس ابكي ويمكن اهون اسافر واعيش عندهم <<قلبي صار لين

مو للدرجه هذه اختي
هههههههههههههه

اشكرك على المرور

لاهنتي

دمتي بوود

[عبووووودي]

ماشاء الله تبارك الله صور تكفي وتوفي
والقصه بكاملها من البدايه الى النهايه

ربي يحفظك من كل شر ولو كان عندي
شي عن هالعاده كان افدتك

[ابو رسيل]

مع اني من دوعن لكن دوعن كبيرة والعادات تختلف بين قرية وقرية وبين ليمن وليسر

وعاداتنا في العزاء طبعاقديما بطلوها اللحين هي توزيع أجزاء من القران كل جزء في طبعة مستقلة على المعزين

لازم تخلصة وتأخذ من القهوة المعروضة في النصف على تفال ( مفرش من سعف النخل ) وتتوكل على الله ماعندنا مثل هذي السبحة اللي في الصور ..!!

ماقصرت ياولد الاجواد وماهي غريبة عليكم يأهل وادي عمد هذي النخوة ومساعدة أهلك في حضرموت ..

بالتوفيق لك في دنياك وآخرتك ..,,

[ولد الجعيدي]

مع اني من دوعن لكن دوعن كبيرة والعادات تختلف بين قرية وقرية وبين ليمن وليسر

وعاداتنا في العزاء طبعاقديما بطلوها اللحين هي توزيع أجزاء من القران كل جزء في طبعة مستقلة على المعزين

لازم تخلصة وتأخذ من القهوة المعروضة في النصف على تفال ( مفرش من سعف النخل ) وتتوكل على الله ماعندنا مثل هذي السبحة اللي في الصور ..!!

ماقصرت ياولد الاجواد وماهي غريبة عليكم يأهل وادي عمد هذي النخوة ومساعدة أهلك في حضرموت ..

بالتوفيق لك في دنياك وآخرتك ..,,

فعلا بعض عادات تختلف من منطقه الى اخرى
وسبحان الله
احيانا عادات تكتشفها ماتتوقعها تكون في حضرموت
لغرابتهااا ..
يعطيك العافيه اخوي ابو رسيل
اشكرك على المرور الكريم
لاعدمناااك الغالي

لك كل التحايا
ودمت في حفظ الباري

[انين الماضي]

http://abeermahmoud.jeeran.com/page%205/352-Thanks.gif

[ملكة الوادي]

والله وفيك الخير اخوي وعسى الله يكثر من امثالك


اما عن السبحه انا ماشفتها ولا عرفتها الا في باب الحاره


واعتقد ان هذي عاده سيئه ومالها اي صحه


وماشاء الله على اخت نسمه كفت ووفت


وبعدين تعال وين صور وادي عمد هاه

[ولد الجعيدي]

http://abeermahmoud.jeeran.com/page%205/352-thanks.gif

العفو اوخيتي

اشكرك على المرور

لاهنتي

[ولد الجعيدي]

والله وفيك الخير اخوي وعسى الله يكثر من امثالك


اما عن السبحه انا ماشفتها ولا عرفتها الا في باب الحاره


واعتقد ان هذي عاده سيئه ومالها اي صحه


وماشاء الله على اخت نسمه كفت ووفت


وبعدين تعال وين صور وادي عمد هاه

الله يجزاك خير

اشكرك ملكتنا على كلامك الجميل

وابشري يالغاليه

ماطلبتي شي

وان شاء الله في اقرب فرصه

بانزل صور وادي عمد

يعطيك العافيه اوخيتي

واشكرك على المرور الجميل

لاهنتي اختي

[ملكة الاحساس]

يسلمووووووو
صور حلوة

[ولد حريضة]

شكر جزيل الشكر اخي ولد الجعيدي علي صور البلاد وبموضوعك الرائع ههه سافرنا معك الله لا يحرمنا من هذه

المعلومات المهمة والطرح الراقي وياخي تجمل ان عاد شي كم صوره في الوسل زقلبها وسط الوادي ونحنا با نلقف


تقبل مروري
تركي

[علي عبدون]

نشمي يا ولد الجعيدي والله انك نشمي